नै पहाड़ी जिला बणे द्यो सरकार

    Anup Singh Rawat
    By Anup Singh Rawat

    5/5 stars (2 votes)

    नै पहाड़ी जिला बणे द्यो सरकार

    रिखणी-बीरोंखाल धुमाकोट थैलीसैंण नैनीडांडा.
    मिलै की नै पहाड़ी जिला बणे द्यो सरकार.
    हम थैं नि चयेन्दु स्यु तुम्हारु कोटद्वार...

    जब राज्य पहाड़ी बणे त जिला किलै ना?
    सुपिन्या दिख्यां विकास का विकास कतै ना!
    रंगीला पिंगला सुपिन्या दिख्यां करि द्यो साकार...

    पैली जिला मुख्यालय दूर च फिर दूर बणाणा किलै?
    समणी बणे द्यो मुख्यालय यूं खण्डों थै मिलै!
    सुविधा मिलि सकद यखी त फिर किलै जाण कोटद्वार...

    हूणु पलायन यख बिटि ज़रा इनै भी देखि ल्यावा.
    चिंगारी बणी जौ न मशाल जिला पैली बणे द्यावा.!
    कख बणाण जिला जरा सुणि ल्यो जनता का विचार...

    गर बणे सकदा त अलग पहाड़ी जिला बणे दियां.
    कोटद्वार नि चयेन्दु हमथै नथर पौड़ी ही रैण दियां..
    पछ्याण पहाड़ी रैण दियां हमारी अर गढ़वाली अन्वार...

    नै पहाड़ी जिला बणे द्यो सरकार...
    नै पहाड़ी जिला बणे द्यो सरकार...

    ©13-07-15 अनूप सिंह रावत "गढ़वाली इंडियन"
    ग्वीन मल्ला, बीरोंखाल, पौड़ी गढ़वाल, उत्तराखंड

    Latest comments

    No comments

    Today's Deals: Great Savings Booking.com Booking.com