बळ विकास नि हूणु च !!!

    Anup Singh Rawat
    By Anup Singh Rawat

    5/5 stars (2 votes)

    बळ विकास नि हूणु च !!!

    image
    कु ब्वनु च कि विकास नि हूणु च
    इनै आवा जरा तुम थैं दिखांदू छौं
    देखा त सै फिर बोल्यां तुम इनु
    मनरेगा मा खड़ोला खैंड्या छन
    ढया-ढयों मा जरा देखि कि आवा
    पाणी नि अटकुदु व अलग बात च
    बांजा ह्वेगेनी जब पुंगड़ा तब
    नैर (कूल) बणी च पुंगिड्यों कु
    सूखा रौंलू मा व अलग बात च
    सड़क पौंछि गैनी सभ्या गौं मा
    कच्ची सड़िक्यों बान पहाड़ उजाड़ी
    सड़क दुर्घटना हूणी अलग बात च
    स्कूल खुल्यां छन गौं-गौं मा
    दाल-भात की सपोड़ा-सपोड़
    मास्टर नि छन व अलग बात च
    जगा-जगों अस्पताल बण्या छन
    जख न डॉक्टर मिलदा न दवै
    मरीज प्रदेशों रैफर अलग बात च
    नेता जी क विकास को त क्या ब्वन
    गौं का बाटा-घाटा चपट कैरी
    दून सैटल ह्वेगी व अलग बात च
    विकास की त कै कहानी छन
    जु तुम लोगों त सुणानि छन
    अबि खुण इतगा भौत च..!!!

    ©® अनूप सिंह रावत "गढ़वाली इंडियन"

    इस ब्लॉग पर प्रकाशित सभी रचनाओं (कविता, गीत, शायरी और लेख) का सर्वाधिकार मूल रचनाकार के पास है. यदि आप इन रचनाओं का इस्तेमाल करना चाहते हैं तो इनको कहीं अन्य प्रयोग से पूर्व रचनाकार (अनूप सिंह रावत) की अनुमति अवश्य लें, और बिना रचनाकार के नाम के प्रकशित न करें. इन सभी रचनाओं में परिवर्तन करके धन अर्जित करना पूर्णतः कॉपीराइट एक्ट का उलंघन होगा. अतः आपसे निवेदन है कि बिना अनुमति के इन रचनाओं का प्रयोग न करें.


    आप अनुमति लेने के लिए rawat28anu@gmail.com पर मेल कर सकते हैं.

    Today's Deals: Great Savings Booking.com

    Latest comments

    No comments


    Booking.com